Continuamos a traballar na figura de Yayoi Kusama. Elaboramos as nosas “gafas Yayoi” para comprobar cómo Yayoi percibía a realidade e elaboramos a nosa propia habitación infinda, empregando as combinacións de cores que Yayoi adoitaba utilizar nas súas creacións.
Temos o pracer de presentarvos a Covidita. Xunto co seu bo amigo o Dragón Sabichón encárgase de lembrarnos todos os días qué medidas debemos levar a cabo para loitar contra o coronavirus. Covidita non ten que levar mascarilla porque de pequena cae nunha poción máxica que tiña o antídoto do coronavirus pero lémbranos o importante que é levala ben posta así coma limpar os pés e lavar as mans, ficar na casa se temos síntomas, comprobar a febre antes de vir ao cole...
Inspirándonos unha vez máis na obra de Susana Blasco elaboramos un colaxe coas caras dos membros do noso equipo. O obxectivo era reflexionar sobre as nosas diferencias e semellanzas e vaia se o acadamos. Fixámonos en todo iso que todos temos pero que á vez son diferentes de uns a outr@s e valoramos a diversidade como algo positivo e divertido. De feito, os nosos colaxes convirtíronse nas nosas criaturas, algunhas sen nariz, outras con dúas bocas, outras picassianas cun ollo máis arriba ca o outro... pero todas válidas, divertidas e marabillosas!!
Estivemos a elaborar con material de refugallo (cartón e tapóns de plástico) un puzle deslizante que nos vai axudar a interiorizar a recta numérica. Aquí o tedes:
Os venres imos poder facer o recreo no patio novo, onde está ubicado o parque. A verdade que é un aspecto positivo poder desfrutalo sen masificacións e con tranquilidade. Déixovos unhas imaxes do venres pasado, foi fermoso ver a emoción por voltar e velos desfrutar sen agobios, sen ruídos e sen présas.
