domingo, 26 de noviembre de 2023
Actividade de Educación Vial
A MAXIA DO TEU NOME
O libro viaxeiro comeza a visitar as casas dos nenos e nenas para saber máis sobre porqué nos chamamos así. Lolo acompaña este fermoso caderno que elaboraremos entre todos!
PROXECTO: OS XOGOS OLÍMPICOS
Iniciamos o proxecto do cole sobre Os Xogos Olímpicos elaborando os identificadores dos colgadoiros que son nada máis e nada menos unhas medaias olímpicas: de ouro, por suposto!
CELEBRAMOS O OUTONO
Festexamos o outono con algunhas actividades:
- tivemos unha proposta artística para elaborar un caracol.
- decoramos unha folla de outono con trazos. Este traballiño aproveitámolo para a elaboración dos cucuruchos do Magosto que quedaron fermosísimos!
domingo, 5 de noviembre de 2023
HANNAH HÖCH
Comezamos un proxecto titulado "UNIVERSOS DIVERSOS" co que tomaremos conciencia da diversidade que nos rodea.
Nun mundo dominado por homes, Hannah fragmentou a sociedade europea do século XX nas súas colaxes e fotomontaxes.
Cuestionou a idea e o concepto de beleza feminina tentando derrubar estereotipos impostos ás mulleres (dende a vestimenta ata o físico e a actitude ante a vida). Negábase a aceptar a presión exercida sobre as mulleres, o canon de beleza e o que se esperaba delas.
Hannah facía fincapé nun mundo fragmentado, atrapado polas guerras e as crises económicas.
Os seus comezos céntranse nos estudos de artes gráficas e debuxo sobre o cristal, tendo como mestre a Harold Bergen. Cando coñece ao artista dadaísta Hausmann foi cando se implicou activamente no movemento Dadá.
Unha das súas temáticas principais, e tamén das súas preocupacións, foi a de representar a unha "muller nova", independente, libre e que loita pola xustiza social e a igualdade. Á súa vez denunciaba a sociedade machista e misóxena que a rodeaba, xunto a temas políticos.
A partires de 1937 sufriu a ira nazi, tachaban a súa arte de extremista e dexenerada e non tivo máis opción que comezar a expoñer no estranxeiro.
"Dadásofa", feminista, loitadora, inconformista e actividta dos dereitos da muller, Hannah Höch perfílase coma un referente actual: a grande dadaísta.
Os dedos da man
Aprendimos os nomes dos dedos da man en galego con este poema de Orella Pendella. E plasmámolos nun debuxo da silueta da man.
PREPARAMOS AS NOSAS TORTAS DE ANIVERSARIO
Preparamos o póster que vai cubrir o noso lienzo ata o día do noso aniversario, cando o pintemos. Elaboramos unhas tortas e decorámolas cos nosos trazos.
A PROFE SARA
Temos o pracer de ter con nós á profe Sara, que nos vai acompañar mentres realiza o seu período de prácticas ata as vacacións de Nadal. Benvida, profe Sara!