Un bo día apareceu na nosa clase unha caixa misteriosa chea de cousas: un títere de papel, láminas de cadros, un conto... pronto chegamos á conclusión de que se trataba dun pintor e quixemos escoitar a súa historia...
Este libro presenta a figura do pintor Henri Matisse na súa última etapa artística, cando, debido a un estado de saúde moi delicado por mor dunha grave enfermidade, abandoou os pinceis para adicarse ao colaxe, “a pintar con recortes de papel”, como moi ben diría el mesmo. Totalmente recomendado para comprender a persoalidade e obra deste grande artista.
Indagamos nunha das súas obras máis representativas: “O caracol” e lanzámonos a facer os nosos propios caracois. Máis abaixo podedes admirar as nosas realizacións. Foi un pretexto estupendo para practicar unha vez máis o recorte con tesoiras.
