O ANIVERSARIO DE MARTÍN

 Martín celebrou o seu terceiro aniversario!

PARABÉNS, MARTÍN!! 

O 25 N

Conmemoramos o 25 N, Día Internacional da Eliminación da Violencia contra a Muller realizando unha chea de actividades:

- Lemos o conto Xela volveuse vampira e aprendemos a fermosa poesía que aparece nel. 

"Non lle grites,

non lle pegues,

se fas iso

non a queres.

Á miña avoa,

unha aperta.

Á miña nai,

bicos de festa. 

Á miña amiga

se vén,

un cantar

que saiba a mel"

- Tivemos contacontos durante toda a semana: Rosa Caramelo, Arturo e Clementina, O libro dos porcos...

- Elaboramos un mural colectivo xunto cas compañeiras e compañeiros de 3 anos A co que pretendemos dar a coñecer o proxecto El latido de las mariposas, que nos agasallou cunhas fermosas bolboretas de crochet. 

- E elaboramos un traballiño individual para plasmar e lembrar todo o aprendido. 

O MONSTRO ROSA

E xa podemos amosarvos o truco de maxia 

que aprendimos coa axuda do 

MONSTRO ROSA!!

 

GRAFISMO EN 3 ANOS

Traballamos o grafismo con distintas técnicas e materiais plásticos, e facémolo sempre mediante o xogo. 

MONSTRO ROSA

Estamos a preparar o noso Monstro Rosa e cedo o levaremos para a casa cun truco de maxia que aprendemos. 

 

Os cARAcois

Estamos a experimentar coa plastilina, xa sabemos facer "churros" e aproveitamos para facer unha figura moi sinxela: O CARACOL e levarnos para a casa un fermoso imán de nevera. 

E algúns e algunhas xa amosan interese polo propio nome e aproveitan os churriños para facer as súas letras. 

Noraboa, Lía! 

DE AQUÍ AL INFINITO

Estamos a empregar no noso proxecto un libro titulado "Yayoi Kusama: De aquí al infinito" que vos recomendamos para coñecer máis cousas sobre esta artista. 

Na aula tamén visionamos un video de Youtube 

que queremos compartir con vós: 

En Youtube podedes atopar moitos vídeos para nenos e nenas sobre a figura de Yayoi, de seguro que esta enigmática artista desperta o voso interese e ganas de investigar.