MiNiPRoxEcTo YAYOi

Continuamos a traballar no noso miniproxecto sobre Yayoi Kusama. 

Visualizamos un vídeo sobre Yayoi para coñecer a súa biografía e comprender un pouco mellor a súa obra.

Pintamos as nosas kokeshi de Yayoi Kusama, bonecas de madeira inspiradas na artista. As kokeshi son bonecas tradicionais xaponesas orixinarias da rexión de Tohoku, no norte de Xapón. Son bonecas pintadas a man coas que se agasalla ás amizades como símbolo de unión. Con isto facemos unha pequena homenaxe a unha antiga tradición que data do período Edo e segue vixente na sociedade actual do Xapón. Así quedaron as nosas:

E agora temos a Yayoi e á súa habitación infinita tamén no recuncho de minimundos. 

Esta é a exposición que fixemos coas nosas acuarelas do retrato de Yayoi. 

E aínda estamos a decorar as nosas cabazas ao estilo Yayoi, imos despaciño porque as cousas ben feitas levan o seu tempo, aquí unha fotiño do proceso. Pronto amosaremos o resultado.