Todos os días cando voltamos do patio temos un intre de volta á calma ou relaxación. Este intre permite a volta á calma e permite acougar o corpo e a mente para centrarnos na seguinte actividade. En cursos anteriores podiamos facer algún xogo (“cociñar espaguetis”, un conto motor, unha secuencia de ioga...), agora e debido ao protocolo anti-covid temos un pouquiño máis de dificultade pero despois de ir ao baño, hixienizar as mans, beber auga... facemos unha breve relaxación individual descansando o corpo mentres escoitamos unha canción ou peza musical instrumental. Estes días estivemos a escoitar O outono de Vivaldi.
No hay comentarios:
Publicar un comentario