RUTINAS

As rutinas son os momentos nos que se divide a xornada e permiten ás nosas crianzas situarse no espazo e no tempo e anticiparse ao que vai acontecer aportándolles seguridade. A realización das rutinas de forma cotiá contribúe á adquisición de hábitos necesarios para a autonomía. Un modelo de intres ou rutinas para levar a cabo de luns a venres (as fins de semana poden ser opcionais): 

1. Erguerse e almorzar. Deixar que @ nen@ participe na preparación do almorzo. 

2. Aseo e vestido. Insistir no lavado correcto das mans. Podedes elaborar unha secuencia con fotos e/ou debuxos que nos axude a seguir os pasos concretos.

3. Colaborar nas tarefas do fogar (airear o seu cuarto, facer a cama, recoller o seu cuarto, axudar na colada...).

4. Poñer ao día o calendario (arrodear o día no que nos atopamos e riscar o anterior, sinalar cun pequeno debuxo ou pegatina as datas destacables e contar os días que faltan, aproveitar se é o aniversario de alguén para felicital@, escribir a data...) e facer as tarefas escolares: lectoescritura ou lóxica-matemática.

5. Lavado de mans e merenda. Na medida do posible continuar co calendario das merendas do cole). 

6. Xogo libre. 

7. Relaxación.

8. Actividade plástica. 

9. Recollida de material e xoguetes.

10. Lavado de mans e xantar (participar na posta dos servizos de mesa).

Pola tarde: aproveitar para ver unha peli, xogar en familia, intre de deporte, baño, cea e lectura antes de durmir.

Na escola teño para axudarlles na interiorización das rutinas sobre todo no primeiros días un “reloxo” con debuxos dos distintos intres.